我對廉航的印象當然是每一項都要自費,而且服務和舒適度都應該較差,但其實服務和舒適度我覺得可以接受,而且通常出發前都會食早餐先,所以無飛機餐都沒有大問題。廉航都提供了多一種選擇給乘客。
我們乘早上8:15的航班,一如所料,要坐巴士到停機坪登機。
辦手續時,職員問我地會去邊,便話比佢知會去金澤、和倉及白川鄉。跟著佢便同我講夾雜著日文的英文,過程中都估到佢講有些地方下雪要租雪呔,但再講就完全唔明。當時想:『3月仲下雪,講笑呀!』
幸好現今科技先進,有『咕高大人』,我用手機譯日文,職員用佢部手機譯英文。原來因Yaris架車無雪呔,佢話要我租另一部有雪呔的Porte,當然是要貴D,一日多100港元。出來玩安全最重要,無問題。
當等取車時,有一家香港人又有相同的情況,我便話比他們聽有關情況,而他們最後也有租雪呔。
取車後便到酒店Check-in,途中經過道之駅,先吃個午飯
今晚入住『西鉄イン名古屋錦』,第四及五晚都會再住,一貫日本的酒店格局,細細間但非常乾淨。
但最特別是停車場,很有心思。
在酒店休息一會便出去吃晚飯,今晚Mimi想食蟹,『咕高大人』介紹了酒店附近一間,途中邊走邊拍
味道很好,價錢合理,餐廳內有中文餐牌及侍應
飯後在名古屋JR駅逛逛,便乘JR回酒店休息了
2016『三月飛霜』名古屋六天自駕遊第二天